झापा । नेपाली कांग्रेसको १४ औँ महाधिवेशनमा सभापतिका लागि दोहोर्‍याएर भइरहेको मतदानमा ४ हजार ५ सय ६४ मत खसेको कांग्रेस निर्वाचन समितिले जनाएको छ।

खसेका मतको गणना राष्ट्रिय सभागृहमा राति १०:५२ मिनेटमा शुरु भएको समितिले जानकारी दिएको छ। दोस्रो चरणमा सभापतिका दुई उम्मेदवार प्रधानमन्त्री शेरबहादुर देउवा र नेता डा. शेखर कोइरालाले प्रतिस्पर्धा गरिरहेका छन्। सोमबार भएको निर्वाचनमा सभापति पदमा प्रत्यासी कसैले पनि ५० प्रतिशतभन्दा बढी मत नल्याएपछि पार्टीको विधानअनुसार सभापति पदका लागि पुनः निर्वाचन भएको हो।