भारतमा हात्ती बेच्न खोज्ने तीनजना प्रहरीको फन्दामा परेका छन्। दुई हात्तीलाई भारततर्फ बेच्न लैजाने क्रममा पर्साबाट भरतपुर महानगरका माउतेहरू ६० वर्षीय बुद्धिराम महतो, राजु कुमाल र हात्ती बेच्ने पर्साका सफरोज आलमलाई पर्सा प्रहरीले नियन्त्रणमा लिएको हो।

उनीहरूसहित दुई हात्ती पनि नियन्त्रणमा लिइएको पर्साका डिएसपी ओमप्रकाश खनालले जानकारी दिए। उनका अनुसार नियन्त्रणमा रहेका हात्ती र मानिसलाई कारबाहीका लागि पर्सा राष्ट्रिय निकुञ्जमा बुझाउने तयारी गरिएको छ।

नेपालबाट भारततर्फ हात्ती बेच्न लागेको विशेष सूचनाका आधारमा पर्साको पकहाँमैनपुर गाउँपालिका-५ पोखरिया टोलबाट हात्तीसहित तीनजनालाई नियन्त्रणमा लिइएको जिल्ला प्रहरी कार्यालय पर्साले जनाएको छ। थाहाखबरबाट