झापाको कचनकवल गाउँपालिकाले सामुदायिक विद्यालयका लागि २८ जना शिक्षक माग गरेको छ । गाउँपालिकाले एक सूचना जारी गर्दै खुल्ला प्रतिस्पर्धामार्फत २८ जना शिक्षकको आवेदन माग गरेको हो । 

गाउँपालिकाले अङ्ग्रेजी, विज्ञान ,गणित र कम्प्युटरका लागी माध्यमिक तह र आधारभूत तहको लागी शिक्षकको जागिर खुलाइएको सूचनामा उल्लेख छ । १५ दिने सो सूचनामा १८ वर्ष पूरा भई ४० वर्ष ननाघेका योग्य उम्मेदवार चाहिने उल्लेख छ ।

गाउँपालिकाले चालु शैक्षिक सत्रको सुरुवातमै ३८ जना करार शिक्षकलाई सेवाबाट निष्कासन थियो । गाउँपालिकाको गत पुस २२ गतेको बैठकले गरेको निर्णय बमोजिम उनीहरुलाई हटाएको थियो । 

हेर्नुहोस् सूचना