भारतको तमिलनाडुमा तीर्थयात्री बोकेको एक रेलमा आगलागी हुँदा कम्तीमा आठजनाको मृत्यु भएको छ। तीर्थयात्रीले नै ग्यास सिलिण्डर प्रयोग गरी चिया पकाउन खोज्दा रेलमा आगो लागेको आशंका गरिएको छ। 

तमिलनाडुको मदुरै रेल्वे स्टेशन नजिक रोकिएको रेलमा आगलागी भएको आगलागी भएको भारतीय सञ्चारमाध्यमले जनाएका छन्। रेलमा दक्षिण भारतका विभिन्न तीर्थस्थल घुम्न निस्केका लखनउका यात्री थिए। बिहान मदुरैमा पुगेका तीर्थयात्री मध्ये केही नजिकै नागरकोइलमा रहेको पद्मानभा स्वामी मन्दिरमा दर्शनका लागि निस्किएका थिए। केही भने रेलमै थिए। 

उनीहरुले ग्यास सिलिण्डर प्रयोग गरी रेलभित्रै चिया बनाइरहेको देखेको प्रत्यक्षदर्शीले बताएका छन् । यद्यपि प्रहरीले भने रेलमा आगलागी हुनुको कारण सार्वजनिक गरिसकेको छैन।