चीनको तिब्बत धार्मिक महत्वको क्षेत्र नजिकै ७.१ म्याग्निच्युडको भूकम्पमा कम्तीमा १२६ जनाको मृत्यु भएको चिनियाँ सरकारी मिडियाले जनाएको छ । आज बिहान गएको भूकम्पको धक्का छिमेकी नेपालसहित भारत, भुटान र बङ्गलादेशमा समेत महसुस गरिएको थियो । 

नेपालसँगको हिमाली सीमा नजिक रहेको तिब्बतको सबैभन्दा पवित्र सहर हो ।  माउन्ट एभरेस्टको उत्तरी फेदमा नजिकै तिब्बतको दुर्गम भागमा शक्तिशाली भूकम्पले पक्की घरहरू पल्टिएपछि धेरै मानवीय क्षति भएको हो । भूकम्पमा परी अहिलेसम्म १८८ जनाको घाइते भएको द न्युयोर्क टाइम्सले लेखेका छन् । चीन सरकार अहिलेसम्म उद्धार र बचाउ कार्यमा जुटेको जनाइएको छ ।

पश्चिमी चीनको तिब्बतको सबैभन्दा ऐतिहासिक शहरहरू मध्ये एक नजिकै डिग्री काउन्टीमा ६.२ माइलको गहिराइमा डिसेम्बर २०२३ पछि देशको सबैभन्दा शक्तिशाली भूकम्प गएको हो । २०२३ मा चीनको उत्तर पश्चिमी प्रान्त गान्सु र किङ्घाईमा भूकम्पमा १५१ जनाको मृत्यु भएको थियो  । 

६ लाख ४० हजार जनसङ्ख्या भएको तिब्बतको दोस्रो ठुलो सहर हो । सिगात्से तिब्बती बौद्ध धर्मका सबैभन्दा वरिष्ठ व्यक्तित्वहरू मध्ये एक पन्चेन लामाको परम्परागत आसन विशाल, शताब्दी यौँ पुरानो तशिलहुन्पो मठको घर हो । चिनियाँ मिडियाले अहिलेसम्म मठमा कुनै क्षतिको खबर नभएको जनाएको छ । 

न्युयोर्क टाइम्ससँग कुरा गर्ने सिगात्सेबाट टाढा नभएका एक पर्यटकले भूकम्पले उनको भवन हल्लाउन थालेपछि उनी होटेलको कोठामा रहेको बताए । उनले भने, बिजुली गयो र उनी र एक साथी ओछ्यानको बिचमा बसेका थिए । कम्पन रोकिएपछि तिनीहरू भवनबाट बाहिर भागेर बाचेका थिए ।