सरकारले आगामी आर्थिक वर्षका लागि स्वास्थ्य सेवातर्फ स्वास्थ्य तथा जनसंख्या मन्त्रालयलाई ९५ अर्ब ८१ करोड बजेट दिएको छ। उपप्रधान एवं अर्थमन्त्री विष्णुप्रसाद पौडेलले आगामी आर्थिक वर्ष २०८२/०८३ को बजेट प्रस्तुत गर्दै उक्त रकम विनियोजन गरेको बताएका हुन्।

सङ्घीय संसद्का दुवै सदनको संयुक्त बैठकमा उनले भने, 'आर्थिक वर्ष २०८२/०८३ मा स्वास्थ्य तथा जनसंख्या मन्त्रालयको बजेट ९५ अर्ब ८१ करोड बजेट विनियोजन गरिएको छ'।  स्वास्थ्य सेवातर्फ सरकारले निरोगी नेपाललगायतका कार्यक्रम पनि ल्याएको छ भने नसर्ने रोगको हरेक फागुन महिनाभर देशमा नि:शुल्क परीक्षण गर्ने जनाएको छ।