नेपाली सेनाले हालसम्म ७३ नाल हतियार बरामद भएको जानकारी दिएको छ। पछिल्लो ५ बजेको अपडेटअनुसार नेपाली सेनाको टोलीले विभिन्न क्षेत्रबाट ७३ नाल हतियार बरामद गरेको हो।

त्यस्तै सेनाले महाराजगञ्‍ज क्षेत्रमा लुटपाट गर्ने ४ जनालाई पक्राउ गरेको छ। उनीहरूको साथबाट ७ नाल हतियार र उक्त हतियारका म्यागजिन, राउण्ड, व्युनेटलगायतका एसेसरिजहरु तथा व्यक्तिगत सामाग्रीहरू बरामद गरेको सेनाले जनाएको छ।