पाथीभरा क्षेत्रमा केवलकार बनाउने विषयमा भएको विवादका क्रममा झडप भएको छ। विवादका क्रममा दुई पक्षबीच झडप हुँदा केवलकार निर्माणको विरुद्धमा रहेका चन्द्र मादेन घाइते भएका छन् ।
उनलाई उपचारका लागि जिल्ला अस्पताल पु¥याइएको छ । ढुङ्गाले लागेर सुरक्षाकर्मीसहित केही घाइते भएका छन् । निर्माण क्षेत्रमा स्काइभेटर मेसिन लाने विषयमा विवाद भएको हो । निर्माण कम्पनी हिमालयन कन्ट्रक्सनले काफ्लेपाटीबाट मेसिन लैजाँदा आन्दोलनरत पक्षले अवरोध गरेका थिए । त्यसपछि प्रहरीले मेसिनको चाबी लिएको थियो ।
प्रहरीसँग चाबी मागेर आन्दोलनरत पक्ष आन्दोलित भएको थियो । त्यही क्रममा दुई पक्षबीच ढुङ्गा हानाहान भएर झडपको स्थिति सिर्जना भएको हो । प्रहरीले मेसिनको चाबी दिएको छैन भने दुवै पक्ष आ–आफ्नो क्षेत्रमा बसिरहेका छन्।