झापा । नेपाली सेनाको चारआलीस्थित अरिदमन गणमा एकदिने स्वास्थ्य शिविर बुधवार सम्पन्न भएको छ ।  मेची आँखा अस्पताल सैनिकमोडको  प्राविधिक सहयोगमा  सेनाका अधिकृत र जवानहरूको आँखा जाँच गरिएको हो । मेची आँखा अस्पतालका युवराज बोहोरा , कविता कार्कीलगायतका स्वास्थ्यकर्मीहरुले आँखा जाँच गरेका थिए । 

त्यस्तै  झापाका वरिष्ठ नाक, कान , घाँटी रोग विशेषज्ञ  डा. रणधीर राजवंशीले नाक, कान , घाँटीसम्बन्धी स्वास्थ्य जाँच गरेका थिए ।  आँखामा २१२ र  नाक , कान , घाँटीमा ३० जना गरी  २४२ जनालाई स्वास्थ्य जाँच गरिएको  गणका गणपति प्राजु बस्न्यातले जानकारी दिए । उनले यस किसिमको सहकार्यमा नेपाली सेनाले  निकट भविष्यमा दुर्गम स्थानहरूको पहिचान गरी  निःशुल्क स्वास्थ्य शिविर सञ्चालन गर्न लागेको बताए ।