झापाको दमकमा नुहाउन गएकी एक महिलाको करेन्ट लागेर मृत्यु भएको छ। मृत्यु हुनेमा दमक नगरपालिका–९ अडियामलकी ३८ वर्षीया लीलामाया धिमाल रहेको जिल्ला प्रहरी कार्यालय झापाले जनाएको छ । 

प्रहरीका अनुसार आज बिहान करिब ९:४५ बजे आफ्नै घरमा नुहाउनका लागि पानी तान्ने मोटर चलाउने क्रममा करेन्ट लागेर उनी गम्भीर घाइते भएकी थिइन्। घाइते अवस्थामै उनलाई उपचारका लागि निम्स अस्पताल दमक लगिएको थियो । उनको उपचारको क्रममा साढे ११ बजे मृत्यु भएको प्रहरीले जनाएको छ । इलाका प्रहरी कार्यालय दमकले घटनाबारे थप अनुसन्धान गरिरहेको जनाइएको छ ।