झापा। पछिल्लो चौबीस घण्टामा दमकको लाइफलाइन अस्पतालमा कोरोना सङ्क्रमणबाट तीन जनाको मृत्यु भएको छ । शुक्रवार बिहान साढे ४ बजे मोरङ उर्लाबारी १ का ५२ वर्षीय पुरुषको मृत्यु भएको अस्पतालका कोभिड फोकल पर्सन डम्बर मोतेले जनाएका छन् । हिजो दिउँसो साढे ४ बजे पथरीशनिश्चरे १० का ७० वर्षीय वृद्धको भएको थियो ।

त्यस्तै आज बिहान साढे ८ बजे दमक ८ बस्ने ७० बर्षिया एक वृद्धाको उपचारका क्रममा मृत्यु भएको छ । सिराहा घर भएकी ती वृद्धा केही समयदेखि दमकमा बस्दै आएको नगरपालिकाका स्वास्थ्य शाखाका कुवेर भट्टराईले बताए ।