सुनसरीको भोक्राहा नरसिंह गाउँपालिका- ६ का ७० वर्षीय वृद्ध खटर सवरियाको कुटपिटबाट मृत्यु भएको छ । घटनामा संलग्न तीन जनालाई प्रहरीले पक्राउ गरेको छ । पक्राउ पर्नेहरूमा स्थानीय  ४५ वर्षीय  प्रमीला मण्डल, ३३ वर्षीया गुडी मण्डल र २१ वर्षीय देवनन्दन मण्डल रहेका छन् ।

उनीहरूले वृद्धलाई शनिवार बिहान कुटपिट गरेको र सोही कारणले उनको मृत्यु भएको थियो । घटना भए लगतै जिल्ला प्रहरी कार्यालय सुनसरीबाट प्रहरी टोलीले तीन जनालाई पक्राउ गरी थप अनुसन्धान अघि बढाएको छ ।