मोरङको बेलबारी नगरपालिका- १ का ५७ वर्षीय हेम कर्ण महतलाई आफ्नै श्रीमतीको हत्या गरेको आरोपमा प्रहरीले पक्राउ गरेको छ । गत फाल्गुन २५ गते उनले घरायसी वादविवादको कारण ५३ वर्षीया श्रीमती देवी महतलाई टाउकोमा धारिलो हतियार प्रहार गरी हत्या गरेका थिए ।

कर्तव्य ज्यान मुद्दामा फरार रहेका महतको खोज तलासको क्रममा इलाका प्रहरी कार्यालय पथरीबाट खटिएको प्रहरी टोलीले बिहीबार दिउसो पथरी शनिश्चरे नगरपालिका १० स्थित बसपार्कबाट पक्राउ गरेको हो । पक्राउ परेका महतलाई इलाका प्रहरी कार्यालय बेलबारीमा राखेर थप अनुसन्धान अघि बढाएको जिल्ला प्रहरी कार्यालय मोरङले जनाएको छ ।