भद्रपुर । भद्रपुरमा चोरीका घटना बढेको छ । नगर क्षेत्रमा चोरीका घटना बढेसँगै स्थानीय त्रसित बनेका छन् । भद्रपुर नगरपालिका ६ को तेलिभिट्टा नजिकै बस्ने लप्टन भनिने धनबहादुर वनको सिटी सफारी गएराति चोरी भएको छ । घर आँगनमा पार्किङ राखिएको सफारी चोरी भएको जनाइएको छ ।

भद्रपुर- ६ नम्बर वडा सदस्य प्रकाश शर्माका अनुसार तीन दिन भित्रमा भद्रपुर बजार र भानुचोकमा गरी तीन वटा सवारीसाधन चोरी भएको बताएका छन् । एउटा सिटी सफारी, मोटरसाइकल र साइकल चोरी भएको घटनाको बारेमा प्रहरीलाई जानकारी गराइसकेको उनको भनाई छ । केही दिन भद्रपुर- १० स्थित साइ मार्ग आसपासबाट एउटा सिटी सफारी चोरी भएको थियो ।