श्रीलङ्कामा विनाशकारी बाढी र पहिरोबाट मृत्यु हुनेको संख्या ३३० भन्दा बढी पुगेको छ। चक्रवात दिट्वाहाले देशमा विनाश निम्त्याएको छ। श्रीलंकाको विपद् व्यवस्थापन केन्द्रका अनुसार २०० भन्दा बढी मानिस बेपत्ता छन् भने करिब २०,००० घरहरू ध्वस्त भएका छन्। १,००,००० भन्दा बढी मानिस आश्रय लिन बाध्य भएका छन्।

अधिकारीहरूले देशको करिब एक तिहाइ भाग बिजुली वा पानी आपूर्तिविहीन रहेको बताएका छन्।चक्रवात दिटवाहको विनाशकारी प्रभावका कारण देशमा आपतकालको अवस्था घोषणा गरिएको छ।

राष्ट्रपति अनुरा कुमारा दिसानायकेले यो देशको इतिहासको सबैभन्दा चुनौतीपूर्ण प्राकृतिक प्रकोप भएको र विनाश यति गम्भीर भएकोले पुनर्निर्माणको अनुमान गर्न गाह्रो भएको बताए।

सरकारले अन्तर्राष्ट्रिय सहयोगका लागि अपील गरेको छ भने विदेशमा बस्ने श्रीलंकाली नागरिकलाई प्रभावित समुदायलाई सहयोग गर्न आग्रह गरेको छ।चक्रवात दिटवा शुक्रबार श्रीलंकाको पूर्वी तटमा ठोक्किएको थियो तर त्यसपछि यो अगाडि बढेको छ।