नेपाली बजारमा सुनको मूल्यले नयाँ रेकर्ड कायम गरेको छ।  नेपाल सुन -चाँदी व्यवसायी महासंघका अनुसार सोमबार एक तोला सुनको मूल्य २ लाख ६१ हजार ७०० पुगेको  छ। महासंघका अनुसार यो मूल्य हालसम्मकै उच्च हो। 

यसअघि आइतबार प्रतितोला सुनको मूल्य २ लाख ५८ हजार  ३०० रुपैयाँ पुगेको  थियो। यस्तै सुनको मूल्य बढेसँगै चाँदीको भाउ पनि वृद्धि भएको छ। सोमबार आइतबारको तुलनामा १३० रुपैयाँले बढेर तोलाको  ४ हजार २३५ रुपैयाँमा कायम भएको छ।  आइतबार तोलाको ४ हजार १०५ पुगेको थियो।