झापामा लामो समयदेखि साइकल, मोबाइल, मोटरसाइकल, फलामको पाइप, मोटरलगायतका सामानहरू चोरी गर्ने दुई जनालाई एक गोदाम चोरीको सामानसहित प्रहरीले अर्जुनधाराबाट पक्राउ गरेको छ ।

अर्जुनधारा वडा नं.६ बिहानी टोल बस्ने मोहम्मद उसिम मुदिलको घरमा डेरा लिएर बस्ने दुईजना भारतीयलाई प्रहरीले पक्राउ गरेको हो । पक्राउ पर्नेहरूमा भारत विहार राज्य किसनगंज स्थायी ठेगाना भई हाल अर्जुनधारा वडा नं. ६बस्ने वर्ष ३५की खतिजा बेगम र सोही ठाउँ बस्ने वर्ष २३ का मोहम्मद रज्जाक रहेका छन् ।

विभिन्न सामानहरू चोरी गरी लुकाइछिपाई राखेको भन्ने जानकारी प्राप्त भएपछि इलाका प्रहरी कार्यालय बिर्तामोडबाट प्रहरी टोली खटिएर चोरीका सामान बरामद गरेको थियो ।

प्रहरीले उनीहरूको कोठाबाट ९ थान साइकल, २३ थान मोटर , फलामको पाइपको ४७ वटा टुक्राहरू, प्रदेश नं. १–०१–०१५प९३४४नम्बरको मोटरसाइकल , मोटरसाइकलको सवारी दर्ता किताब एक थान,स्कोपसहितको टायर रिङ–६ थान, रिङ मात्र थान–१, फलामको रड थान–१८,गाडी धुने पम्प एक थान, मोटरको फलामको रोटर थान– ६, ग्यास इन्डक्सन चुलो एक थान र मोटरसाइकलको मोटरगार्ड, सकप र टी सहितको एक थानलगायतका सामान बरामद भएको जनाएको छ ।