झापाको बिर्तामोड नगरपालिका-८ स्थित देउनियाँ पुलमा लागू औषधसहित एक युवक पक्राउ परेका छन् । आज साँझ ७ः४५ बजे देउनियाँ पुलमा सशस्त्र प्रहरी बल नेपाल सुरक्षा बेश गोलधापबाट सशस्त्र प्रहरी नायव निरीक्षक यामलाल श्रेष्ठको कमान्डमा खटिएको ५ जनाको चेक प्वाइन्ट टोलीले चेकजाँच गर्ने क्रममा भद्रपुर ४ बस्ने २७ वर्षीय मनिष लिम्बूलाई लागू औषधसहित पक्राउ गरेको हो ।

शङ्का लागेर चेकजाँच गर्दा उनको साथबाट प्लास्टिकसहित अन्दाजी ७ ग्राम ब्राउन सुगर फेला परेको छ । लागूऔषध नियन्त्रणमा लिई आवश्यक कारर्वाहीको लागि उनलाई अस्थायी प्रहरी चौकी गरामनिमा बुझाएको सशस्त्र प्रहरी बल नेपाल नं।२ गण हे।क्वा झापाले जनाएको छ ।