भारत–नेपाल सीमामा तैनाथ सुरक्षाकर्मीहरूको सतर्कताका कारण एक नाबालिका मानव बेचबिखनको सम्भावित शिकार हुनबाट बच्न सफल भएकी छन् ।

सीमा जाँचको क्रममा शङ्कास्पद रूपमा कार रोकेर सोधपुछ गर्दा मानव बेचबिखनको ठूलो घटनाको पर्दाफास भएको हो । घटनामा संलग्न ३२ वर्षीय एक पुरुषलाई पक्राउ गरिएको छ । आवश्यक सोधपुछपछि थप कानुनी कारबाहीको लागि खोरीबारी प्रहरी चौकीमा बुझाइएको छ । प्राप्त जानकारी अनुसार, भारतबाट नेपाल आउँदै गरेको सेतो स्विफ्ट डिजायर कारलाई हिजो साँझ पानीट्याङ्की नयाँ पुल सीमा चेकपोस्टमा चेकजाँचका लागि रोकिएको थियो।

त्यस क्रममा, कारभित्र नाबालिका र वयस्क पुरुष फेला परेका थिए। सुरक्षाकर्मीहरूले नेपाल यात्राको कारण सोध्दा, उनीहरूले स्पष्ट जवाफ दिन सकेनन् । जसले सुरक्षाकर्मीको शंका बढायो। व्यापक सोधपुछका क्रममा, नाबालिकाले “सोम” नामक व्यक्तिमार्फत अभियुक्त युवकलाई भेटेको खुलासा गरिन्।नेपालमा हुने एक कार्यक्रममा जागिर दिने र राम्रो कमाइको आश्वासन दिएर उनलाई सीमापार ल्याउन लागेको आरोप छ। ‘मोन’ नामक मुख्य योजनाकारको खोजी तीव्र पारिएको छ। कारबाहीको क्रममा प्रहरीले स्विफ्ट डिजायर कार, अभियुक्तको मोबाइल फोन र ४हजार ५०० रुपैयाँ नगद बरामद गरेको छ।