रोयल च्यालेन्जर्स बेंगलुरु (आरसीबी) आईपीएलको प्लेअफमा पुगेको छ। आइतबार धर्मशालामा भएको खेलमा पञ्जाब किंग्सलाई २३ रनले हराउँदै आरसिबीले प्लेअफमा स्थान सुरक्षित गरेको छ। 

पहिले ब्याटिङ गरेको आरसिबीले २० ओभरमा ४ विकेट गुमाउँदै २ सय २२ रन बनाएको थियो। जवाफमा पञ्जाब किंग्स २० ओभरमा ८ विकेट गुमाएर १  सय ९९ रनमै सीमित भयो। दिल्ली क्यापिटल्सले प्लेअफ सम्भावना कायमै राखेको छ। 

आइतबार नै भएको दोस्रो खेलमादिल्लीले राजस्थान रोयल्सलाई ५ विकेटले पराजित गरेको हो। राजस्थानले दिएको १ सय ९४ रनको लक्ष्य दिल्लीले ४ बल बाँकी छँदा ५ विकेटको क्षतिमा पूरा गरेको थियो।

दिल्लीका लागि केएल राहुलले सर्वाधिक ५६ रन बनाए भने अभिषेक पोरेलले ५१ रन बनाए। राजस्थानका जोफ्रा आर्चर र ब्रिजेश शर्माले २–२ तथा दसुन शनकाले १ विकेट लिए। 

त्यसअघि टस हारेर पहिले ब्याटिङको निम्तो पाएको राजस्थानले २० ओभरमा ८ विकेट गुमाएर १ सय ९३ रन बनाएको थियो। ध्रुव जुरेलले सर्वाधिक ५३ रन बनाए। 

जितसँगै दिल्लीको १३ खेलमा १२ अंक भएको छ। आईपीएलमा आज चेन्नई सुपर किंग्स र सनराइजर्स हैदराबाद खेल्दैछन्।  यो खेल चेन्नईमा बेलुकी पौने ८ बजे हुनेछ।